أفراح شبعانة قبلي ......مواليد

رزق الاخ والصديق العزيز هيثم سعيد كباش بفارس واجتمعت الاسرة واختاروا له اسم احمد ,,,,,,,اللهم اجعله قرة عين لوالديه,,,,,,,والف مبروك ابواحمد

ماشاء الله , هيثم كباشي بقى اب , بالله لو بتتصل عليه قول ليه عمار بيسلم عليك وبقول ليك الوليد مبروك ويتربى في عزكم ,
والله يا محمد الاسماء دي مشتاقين ليها بي صوره ما تتخيلها , الاخ هيثم كباشي صاحب البسمه المطبوعه على ,وجهه , يعني ايام زمان كانت ايام , نمشي سوق الاتنين وما عندنا قرض فيه غير مقابلة الاحباب ترجع من السوق وانت قيراطين ونصف مبسوط
الله يجمعنا ويعيد الايام الحلوه , جلسه في برندة محلكم في السوق وحنك حنكين تسوي الدنيا بي حالها , بس ما تنسى بعدين تحكي لي عيالك , ااانا ززمان كككنا اانححن وننناس عمممار ننتتتلاقى في سسسسوق الاتتتنين
الكلام ده بيبقى صدقني بعد خزان مروي وناطحات السحاب في القولد والمطاعم الامريكيه ناس ماكدونالز وبيقركنج وهلما جرا والعيال , يتعلقوا فيك , بابا محمد عايزين تودينا حديقة حيوانات القولد , وانت اقعد احكي ليهم , يا ولاد كدي الاحكي ليكم ,

الاخ عمار شكر ا ليك كتير علي اطلالاتك الجميلة انا يومين بدخل المنتدي الساعة 7:40 صباحا بقول عمار ده يمكن يكون جاء بي جاي بقرأ الاحصائية بلقاك ليك زمن ماخشيت,,,ادعو لينا نفر نفرين,, انا البكلمو كلو بكون ليه زمن ما خشي النت او اصلا مابخش نت طبعا في السعودية مافي كلام زي ده انا بحاول اضرب لي احمد عيسي فضل الله اوريه العنوان عشان يكلم ناس السعودية....سلم علي مروان وحسن وسلام خاص للملوادية,,,,

محمد معتصم كتب:

رزق الاخ والصديق العزيز هيثم سعيد كباش بفارس واجتمعت الاسرة واختاروا له اسم احمد ,,,,,,,اللهم اجعله قرة عين لوالديه,,,,,,,والف مبروك ابواحمد

الف مبروووووك

بالامس هل علي اسرتنا الصغيرة فارس جديد...واجتمعت الاسرة واختارت له اسم والدي العزيز(معتصم)تقديرا له .....واصبحت من الامس من الاباء اللهم اجعله من ابناء الوطن الصالحين...........